♥Feline's Lair♥

Monday, May 7, 2007

Big Big GOOD New !!!!

哇哈哈哈哈！

今日终于放完大假

打电话俾导师问下我既论文成绩

哇！！小鸟你实在太识做啦！

88分！

高分当中既最低分

低分当中既最高分

尼个分数技术含量高啊！

一上90分就要参加答辩

而最后能够真正罗到90以上既

却只有3%既人

其他人都会被答辩小组刷落80或更低既分数

至于刷到几低

就吾系导师能够控制嘎啦

所以88分，算系导师能够帮我保证罗高分既极限

89分又太做作

剩落黎既就睇自己命水啦

会吾会被抽中做果15%随机答辩生咧

10号就会揭晓！

Anyway小鸟已经帮我跨过第一步

多谢晒！

证明当初我既选择系万分正确既！

可谓系慧眼识良师啦！

我写论文期间距即使几忙都会好仔细帮我修改

连一个错别字都吾放过

哇哈哈哈哈哈哈哈哈哈哈！

吾理得人地罗几多分咯

高分低分有时候讲缘分既遮

尼嘎我好满足好开心啦已经

反正我能够带住80分以上既平均分离开

就已经完成佐我对黑鬼面试官既承诺

尼个承诺我背佐1年

终于能够完成

松一啖气啦可以暂时！

“你有压力我有压力你做乜Q挑衅我
你知吾知你甘搞作分分钟令我扯晒火?!”
——今日个QQ签名

叹气
一匹布甘长
尼嘎林起都仲扯扯地火
吾提罢就！
我连小柠檬都摔散佐
可想然知当时扯火既程度
唉
有时候有D衰人
真系佛都被距激出火
何况我只不过系只猫大仙
无当场呕血已经算我EQ高啦

不过有样野就一定要提！
甘就系
我今日做佐一件非常失控既野
砌佐四包饼干
自己一个人
寒！

本来系五包
最后果包真系砌吾落
只能放弃！
尼嘎 “卡夫”尼个牌子已经入我既黑名单啦！
原因好简单
因为我今日食既全部都系尼个系列
厌晒！

饼干！也入黑名单！
果然化愤怒为食量
若然我因此肥佐既话
得罪我果个人绝对吾会有好下场！
哈哈哈哈哈哈！（狂笑ing）

今日下昼仲出佐去行街
散下心
顺便拣返样礼物俾妈咪咯
母亲节啦嘛
结果发觉尼个世界
真系吾系有钱大晒
根本好难睇得上眼
大路货！叹气！
都吾知系尼轮D野乏晒
定我个人越黎越严尖
最后勉强拣到个头珠
间野竟然吾帮包装
仲要我自己揾盒

话时话
我觉得个盒仲靓过里头件礼物
真运吉！

今日仲去过越富
吾知点评价好
究竟系我out佐定越富乏佐咧？！
可能太耐无去啦
感觉格格不入！
叹气.......

一路上遇到好多青春热血小朋友
可能我个扮相比较细
所以会被望多两眼
而我又可以比较HC甘望多两眼
同我甘高甘大既靓仔
反正距地顶多会觉得自己又吸引多件妹妹仔而已
不过青春热血小朋友就...
点讲咧？！
姐姐只中意过三个小朋友
同埋自己既亲生堂细佬
（既然系细佬，顶心顶肺都吾讨厌得嘎啦，认命！）
一个系尼嘎系澳洲
享受紧PS2同烧腊店打工生活既叉烧小王子
第二个系东山少爷椰露DD
最后一个系上海既“死小孩”
其他人，麻烦闪开兼借过！

Sunday, May 6, 2007

The Nice Work of the #13 Brother of the King YONGZHENG

历史上真正既拼命13郎
雍正皇帝既第13个细佬
无论系正史定野史里头
命运都堪称坎坷既王爷
和硕怡亲王·允祥
神早听讲过尼位13爷
练得一手好字
今日系网上乱行竟然有幸见到
果然名不虚传
起码我睇得明！
忍吾住HCHC
听讲尼位王爷系雍正皇帝最重用既臣子
细个果阵亦好受康熙宠爱

之后因为亲生阿妈削发为尼导致失势

受尽其他兄弟欺凌

当时受到四阿哥，即系日后既雍正皇帝保护

尼位王爷年纪轻轻就已经成为雍正派既得力党羽
正因为如此，后黎卷入皇子争位风波
被康熙夺名软禁
雍正即位后立即恢复其名号胤祥

并大加重用
最后因操劳过度英年早逝

（被软禁到37岁，香既时候得45岁，真阴功！）
雍正皇帝因其早殁
深受打击
病佐一个冬天
都吾知应该话距两个兄弟情深
定话雍正当阿13狗甘使，尼嘎距伤心自己无佐对得力左右手
唉！
不过雍正虽然为人刻薄
但对尼个细佬可谓不薄
13爷既陵墓系大清帝国200几个
王爷陵里头规模最大规格最高既
不过人都瓜柴咯
厚葬又有咩意义咧
怡亲王同雍正之间亦兄弟亦君臣既关系
系冰森既王宫黎头
算系一丝可悲既阳光挂

但系！

话分两头讲

尼两兄弟

话晒都系系王宫长大

系尼D勾心斗角既地方成长既人

能够活到最后并且出人头地

每个都系狠角色

所以

都系睇下笔迹

HC下好啦

话吾埋真人实情都系阴险狡猾可怕之人！