Is 'One good turn deserves another' real???

尼个世界系米真系
善有善报既咧？
我睇未必！

今日我去探我细个既时候
负责照顾我既保姆
其实好多年前我就因为学业繁重
无去探距

每次都系爹D妈咪过去
返黎都讲距晚年虽然遭遇并不太平
但仍然意识清醒
所以我就觉得以后有时间再去探距都无所谓

结果今次去到
距已经无晒意识
全瘫，而且仲要插住喉管
我真系好后悔

点解我吾可以早一两年黎见距？！
我愧对距对我甘好
距趁自己身体好既时候
曾经打佐只金戒指俾我

话留返俾我结婚
我当时仲话我要等距
系我结婚果日亲手帮我戴
距逢人就话当正我系距个契孙

结果咧？！
结果我却无系距清醒既时候
尽到我做孙既责任
成日以学业忙搪塞自己

今时今日面对完全认吾出我既距
我欲哭无泪
一方面内心羞愧万分
另一方面亦为距既遭遇唏嘘不已

其实我尼个保姆
一世人老老实实
诚心伺奉观音娘娘
经常捐钱返乡下

帮人带细路从不马虎
只要觉得有缘分
就必定尽心尽力
每个被距照顾过既细路
大个之后都全家对距感激不尽
距晚年既时候乡下为佐
感谢距甘多年对村既慈善贡献良多
免费提供村养老院既宿位
让距安享晚年

结果天违人愿
系我仲读小学既时候
距身体就开始行下坡路
首先系一发不可收拾既白内障

我仲好清楚甘记得
我小学暑假去距屋企玩既时候
食食下饭距突然间发鸡盲
眼前既菜竟然完全失焦夹吾到

吾几耐距做佐白内障手术
以为有好转
但听讲好快又做第二次手术
换埋人工晶体

我以为距可以好好甘享清福
结果又跌亲只脚
成个人苍老好多
近两年更加脑栓塞

上一次我去帮距做寿既时候
系我读大一
果阵时距虽然已历经坎坷
但坚强既表象仍令我偷偷为自己减轻负罪感

结果无几耐
脑栓塞
我爹D妈咪去老人院探距
已经认吾出我父母

爹D妈咪返黎话我知
话只要同距讲多D野
意识仍然清醒
问题吾大

于是我就搪塞自己
认为以后仲有大把机会探距
结果今次先知
距之后又不幸高龄跌亲

系勉强执返条命既同时
完全瘫痪
只能插喉管维持生命
意识时好时坏，却失去任何表达能力

不幸中既万幸系
距个养女对距好好
距尼嘎身在病床
仍能受到十分细心既照顾

但系，作为一个老人
最希望既莫过于晚年生活安乐
可以眼睇住后生一辈，享尽天伦
距，似乎无甘既机会

我唏嘘，心寒！
我十分吾明
距明明就系一个善人
何来晚年如此坎坷

难道善未必有善报？
时候未到？
甘更待何时？
望住病床上既距
我深切体会到咩叫风中残烛
当年外婆留弥令我所产生既
恐惧同无奈再次浮现

我吾知如果尼嘎仲未系回报距既时候
甘咩时候距先得以善报？！
妈咪话尼D可能要讲天命讲轮回
并非我地凡夫俗子所能主宰

我能够了解
因为似乎冥冥之中
距既晚年就已经系坎坷不断
但难道距尼一世所积既德
就真系难以弥补D乜咩？！

难道真系要等距下世先能够享福？！
我知道我吾能够做任何野
唯一能够做既就系心如刀割
毕竟距系系我父母无法分身照顾我既时候
尽心照顾我既恩人
任凭再铁石心肠既人都难忍尼份心痛

行出果间我曾经度过童年既老屋
脚步不由自主甘就顺住楼梯走上天台
系尼度距曾经种过花种过瓜种过菜种过葱
尼嘎果度仍有一盘盘既盘上蔬菜

但我好清楚
果D绝对吾再系由距打理
物似人非
生命原来只系如此无奈

行返入楼梯
我再都忍吾住喊佐出黎
今次系我第三次甘伤心
伤心到痛，痛到难以呼吸

眼前依稀仍浮现
距拖住我散步既身影
仍能清楚记得
趴系距背脊扭计既情景

但系尼一切
竟然系我一次又一次既
借口吾去探距之中
烟消云散！

追悔莫及吖！
等我回过头
距已经再都等吾到我既探望
更无可能亲自为我
戴上距为我准备既嫁妆

对吾住！
究竟我要点做
先可以减轻我既自责？！
尼一世恐怕我在都无机会再同你散步
吾可能再同你坐藤椅、睇大戏！

抹干泪水，整理情绪
我返入屋内
临别再次告别
吾知下次相见又将如何

若上天吾再俾机会
让我黎到你既病榻前面
甘请你务必带住
我地今生今世既缘分
一齐轮回！