Report for my new gain...

黑版长袖荷叶边单衫

秋冬用黎着系外套下面打底

颇舒服！

白版短袖

夏天用黎衬紫色bra

下面衬深色牛仔裤或者裙

效果应该吾错，期待期待！

对鞋睇得出

完全系N季之前既作品

不过OK啦

休闲遮，最紧要够百搭

条牛仔裤好修身好舒服

而件黄色毛毛都几暖

而且着上身感觉好得意

以上就系

琴日买既部分野

今朝起身之后就整理佐下

还OK啦！

The SN of my body...HOHO

115 days left...

首先咧介绍下

我地宿舍凌秋同学

放假自己系屋企DIY既玛丽饼

我地宿舍每个人都有试食哦

好味既捏！

系米好可爱咧？！

哈哈！

之后就讲下今日啦！

今日距离离开既日子仲有115日

有咩甘特别咧？

首先系天气啦

今日暖返少少

但系湿度好高

到处都灰蒙蒙一片

能见度好低

而且今日算系两个冷空气之间既分水岭

听日又有冷空气到啦

真系好景不长吖！

今日系我同妈咪约会既日子

我发觉恒宝同十埔交接处既果间

细细既广式点心店啦！

叫做 日美高级饼屋

哈哈，以后去果度买点心食！

平靓正！

之后咧

我地系莲香楼罗佐点心

妈咪分佐包萨其马 半包光苏酥

同我好中意食既椰香酥

俾我带返学校当早餐！

之后我地就去shopping啦！

首先去莎莲露

买佐件法兰西绒外套

黑色既好靓

再加条长既绒既西装裤

一共296蚊！

多谢晒妈咪！哈哈！

然后我地就去陶陶居食饭

其实就系饮茶咯

感觉好正！

因为全部都系我所怀念既广式茶点！

我同妈咪两个人食佐59蚊

一笼烧卖，顶顶有香菇，味道鲜美！

再要佐碗猪红，我好耐未食过啦！

然后要佐碗皮蛋瘦肉粥，下火

（why要下火，容后再说！）

之后咧

再点佐碟貌似蛋挞甘既绿茶着哩

貌似咸水角甘既酥

最后就系萝卜牛草肚！

其实意犹未尽嘎

不过为佐减肥，只好忍啦！

食吾晒既罗返去俾爹D

我发誓！以后出西关shopping

我吾返阿公度开饭！

我要去陶陶居饮下午茶！

4个半一碟点心哦！正！

之后妈咪就返屋企啦

距下昼民主党派有活动

距要打太极喔表演

傍晚既时候话我知距果个节目

罗佐一等奖

奖品系U盘一个

之后游园会距又系大赢家

罗佐成堆奖品

哈哈！我阿妈果然好掂！

掌声鼓励！

我咧

下昼就自己shopping啦

最主要流连系广州酒家同皇上皇

隔离果间时尚基地

尼嘎换季大把野打折

我买佐条收身牛仔裤 59蚊

休闲板仔 79蚊

两件反绒毛毛

黄色S白色L 80蚊

之后本黎想睇下D饰品

发觉买吾落手

无心水货

所以就坐车返啦！

返黎之后装佐个分网器

嗯！还OK！多谢爹D

冲凉既时候计划佐下D点心

点食比较好

最后就走上黎写blog啦！

今日好累！而且入夜时候又寒又冻

MD！

好啦

关于下火既事

就要补返汇报一下

琴日下昼3点几

靓女红突然飞电话过黎话

自己近我学校

想过黎食四川菜

于是乎我地两条友四点几

就走佐去学校北门果间哈尔滨

开饭！

水煮牛肉、夫妻肺片、孜然土豆片

拍黄瓜、干煸田鸡！

已开始水煮牛肉，OK！

但系后来既夫妻肺片同拍黄瓜

有D失望！

孜然如豆片之前未食过

几得意感觉！

外脆内软

之后感觉吾够喉

于是叫老板娘介绍最劲既

所以就会有干煸田鸡

哇，过瘾！

连D芽菜都好索！

最后红红仲介绍

一啖可乐一啖川菜！

冰与火既结合

爽！

最后咧，饮佐樽葫芦王

当清热

暖佐成晚

不过好饱啊

重佐两斤！

连埋今日系陶陶居既

应该返返98咯

我都无勇气去面对啦！

所以从听日开始

虽然食点心当早餐

但总体饮食要更加苛严！

琴日今日食野都好可惜

无带相机！

下次啦！下次同父母一家去食

两边都影低距！

哈！