年紀大佐反應的確會變慢

成日話自己老咯
反應慢曬又儸儸嗦嗦
尼一年真係越來越明顯

以前考完試即刻累
尼嘎考完試個腦興奮到成晚都訓五着
足足等到第二日中午D累氣先識得走出黎報仇

以前講野思維跳tone得好少人follow到
成日搞到對方滴汗兼無語
尼嘎得閑講野就分曬系統分曬大細要點
囉里囉唆一分析就成篇文章甘

以前覺得難受覺得委屈即時飆馬尿
尼嘎明明好五忿氣
都可以周圍同人笑笑口
好似五係講緊自己既事甘
係要等到好多粒鈡之後
大腦先反應到應該儸咩心情擺咩表情

尼D叫咩咧？？
EQ變高？定大腦年紀大缺鈣？

老咯.........